Gudrun Genest
Gudrun Genest (* 13. August 1914 in Bronswiek; † 6. Februar 2013 in München[1]) weer en düütsch Schauspelerin un Synchroonsnackerin.
Leven
ännernSe is en Unkelsegger to de Schauspeler Hubert von Meyerinck. Se nehm in Berlin Schauspeelünnerricht un harr hör eerst Uptreden 1931 an de Volksbühne Berlin. Dornah keemen Engagements in Köln un an de Staatlich Bühnen in Berlin.
Dröver rut weer Gudrun Genest faken Gast in Film- und Feernsehprodukschonen. Dorbi speel se in Literaturverfilmungen (Die Ehe des Herrn Mississippi nah Dürrenmatt), ambitioneert Kinofilms (Semmelweis – Retter der Mütter) oder Familienregen so as Frau Glaubrecht in Die Wicherts von nebenan.
Siet 1947 weer Gudrun Genest umfangriek in de Synchronisatschoon tätig. Dorbi hett se hör Stimm prominent Kollegen so as Jane Wyman (Das verlorene Wochenende), Maureen O’Hara (Sindbad, der Seefahrer) oder glieks twee verscheden Schauspelerinnen in de Rull vun Agatha Christies Miss Marple: Helen Hayes (Das Mörderfoto, Mord mit doppeltem Boden) un Angela Lansbury (Mord im Spiegel; aber ok in Der Hofnarr und Zeit der Wölfe).
Gudrun Genest weer ok de Vertellerstimm in de Feernseh-Tekentrickreeg Puschel, das Eichhorn.
Gudrun Genest weer verheiraadt mit de Schauspeelkolleg Aribert Wäscher. Ok hör Dochter Corinna Genest, de ut en fröhen Verbinnen vun de Moder stammt, un hör Swegersöhn Karl Schönböck weern Schauspeler..
Film un Feernsehn (Utwahl)
ännern| Johr | Titel |
|---|---|
| 1950 | Semmelweis – Retter der Mütter |
| 1960 | Das Haus voller Gäste, Feernsehn |
| 1962 | Heute nacht starker Nebel, Feernsehn |
| 1964 | Aktion Brieftaube – Schicksale im geteilten Berlin, Feernsehn |
| 1964 | Das Blaue vom Himmel, Feernsehn |
| 1966 | Fluchtversuch, Feernsehn |
| 1967 | Die blaue Hand |
| 1972 | Sternschnuppe, Feernsehn |
| 1973 | Einladung zur Enthauptung, Feernsehn |
| 1980 | Meister Timpe, Feernsehn |
| 1980 | Mein Gott, Willi!, Feernsehn |
| 1984 | Der Snob, Feernsehn |
| 1986 | Abschiedsvorstellung, Feernsehn |
| 1993 | Immer wieder Sonntag, Feernsehepisoden |
| 1997 | Angeschlagen, Feernsehn |
Weblenken
ännern- Gudrun Genest in de Internet Movie Database (engelsch)
- Gudrun Genest in de Düütschen Synchroonkartei
