Gustav von Wick
Carl Wilhelm Hans Friedrich Ludwig Gustav von Wick (* 27. Januar 1821 in Wateln; † 18. Juli 1899 in Hannover[1]) weer en düütschen Verwaltungsbeamten.
Von Wick is 1821 as Söhn von’n hannöverschen Kapitän Gustav von Wick in Wateln boren. Sien Vader dee ut Württemberg stammen. He hett an de Universität Göttingen studeert un is dor 1840 Maat von dat Corps Lunaburgia Göttingen worrn.[2] Na dat Studium is he in’n hannöverschen Verwaltungsdeenst gahn. 1846 weer he Auditer in’t Amt Horborg un siet 1852 Polizeidirekter in Clausthal.
Later weer he Amtsassesser bi dat Amt Weener un bi dat Amt Bessenbrügge. Nadem Prüßen 1867 dat Königriek Hannover annekteert hett, is he Beamten in’n prüüßschen Staatsdeenst ween. He is he 1868 Amtshauptmann von dat Amt Fürstenau worrn.[3]
As Amtshauptmann hett he von 1877 bet 1881 as Nafolger von Eugen Albert Heinrich Roth opdragswies gliektiedig dat Amt as Amtshauptmann von dat Amt Bessenbrügge un as Kreishauptmann von’n Kreis Bessenbrügge övernahmen. Aflööst hett em dor Emil Fuhrmann.
1884 is he Amtshauptmann von dat Amt Zeven worrn. Nadem an’n 1. April 1885 dat Amt oplööst un de Kreis Zeven nee billt worrn is, is von Wick dor de eerste Landraad ween. He is dat bet 1887 bleven. Em aflööst hett Bernhard Häger. In’n Rohstand hett he in Hannover leevt.
He hett an’n 1. September 1856 Laura Adolfine Elise von Uslar-Gleichen (* 6. November 1835) freet.[4]
Footnoten ännern
- ↑ Genealogisches Handbuch des Adels. Adelige Häuser B. Band III, Glücksburg 1958, S. 555
- ↑ Kösener Korpslisten 1910, 79, 153
- ↑ Amtsblatt für Hannover. 1868, Sied 233
- ↑ Gothaisches genealogisches Taschenbuch der freiherrlichen Häuser. Julius Perthes, 1879, Sied 884