Győző Forintos
Győző Victor Forintos (* 30. Juli 1935 in Budapest; † 6. Dezember 2018) weer en ungarsch Schachmeester.
Leven ännern
Forintos kreeg van de FIDE 1963 den Titel Internatschonaler Meester un 1974 den Grootmeestertitel verleeht.[1] He hett de Ungarsch Meesterschap 1968/69 wunnen.
Sien letzt weert Partien speel he in de ungarsch Mannschapsmeesterschap 2017/18. Sie best Elo-Tall weer 2495, de he in’n Juli 1972 reckt hett.
Natschonalmannschaft ännern
In de Johren 1958, 1964, 1966, 1970 1972 un 1974 hett he för Ungarn an de Schacholympiaden deelnommen.[2] 1958 in München wunn he dorbi Eenzelgold an dat Reservebrett (10,5 Punkte ut 13 Partien). Mit de ungarsch Mannschap hett he 1970 in Siegen un 1972 in Skopje jewiels en Sülvermedaille wunnen, 1966 in Havanna Bronze. Noch spoodrieker weer Forintos bi sien Deelnahmen an Mannschapseuropameesterschapen. 1961 in Overhus wunn he mit de Mannschap Bronze un reck dat dartbeste Ergevnis an dat negente Brett, 1965 in Hamborg reck he mit de Mannschap Platz 3 un wunn de Eenzelwertung an dat sösste Brett, 1970 in Kapfenberg reck he mit de Mannschap Platz 2 un wunn de Eenzelwertung an Brett 9, wiels he 1973 in Bath mit de Mannschap up den darten Platz keem un in de Eenzelwertung an Brett 6 up den 2. Platz keem.[3]
Vereens ännern
In Ungarn speel Forintos in de 1970er un 1980er Johren bi den MTK Budapest, mit den he fief Mal an den European Club Cup deelnommen hett[4] Van 1999 bit 2006 speel he bi Hajdúböszörményi Sakkozók Egyesülete, van 2008 bit 2010 bi Pénzügyőr Sport Egyesület. In den Saisons 2016/17 un 2017/18 harr he noch en paar Insätze för den Balatonfüredi SC. In Düütschland weer Forintos in de Saison 1992/93 bi den SC Stadthagen in de 1. Bundsliga meld, keem dor aber nich to’n Insatz. Dorgegen hett he sien Vereen aber bi den European Club Cup 1993 vertreeden.
Turniererfolge ännern
- 1962/63 Reggio Emilia: 1. Platz (vör Karoly Honfi un Mato Damjanovic)
- 1971 Asztalos Memorial: 1. Platz
- 1972 Caorle (Zonenturnier): 3. Platz
- 1974 Reykjavík: 2. Platz (achter Wassili Smyslow aber vör Dawid Bronstein)
- 1979 Capablanca Memorial: 3. Platz
Enkeld Nahwiesen ännern
- ↑ Willy Iclicki: FIDE Golden book 1924-2002. Euroadria, Slovenia, 2002, S. 76
- ↑ Ergevnisse van Győző Forintos bi Schacholympiaden up olimpbase.org (engelsch)
- ↑ Ergevnisse van Győző Forintos bi Mannschapseuropameesterschapten up olimpbase.org (engelsch)
- ↑ Ergevnisse van Győző Forintos bi European Club Cups up olimpbase.org (engelsch)
