Hadrian II.

Hadrian II. (* 792; † 14. Dezember 872 in Rom) weer vun sien Inthronisatschoon an' 14. Dezember 867 bit to sien Dood in dat Johr 872 exakt fief Johr lang Paapst. In verscheeden Borns wurrd allerdings angeven, dat sien Nahfolger all an 13. Dezember 872, also een Dag för sien Dood, wählt wurrn is.

Hadrian II., Phantasiedorstellen in de Basilika Sankt Paul vor den Mauern

Sien Naam bedüüd up latiensch so völ as Bewahner vun Hadria.

Hadrian II. stamm ut dat röömsch Geslecht vun de Colonna un gull as en versöhnlicher Paapst. Dat wiest sück sowohl doran, dat he Rebeeden, de sien Vörgänger Nikolaus I. beanspröökt harr, weer free geev, as ok an sien Inlenken in de Fraag vun de slawisch Liturgie.

As Hadrian Preester wurr, weer he noch verheiraadt. Paapst Gregor IV. hett hüm to'n Kardinal vun San Marco nömmt. All nah den Dood vun Leos IV. un Benedikt III. weer he jeweils as Paapst vörslahn wurrn, harr sück aber wiegert, sück wählen to laaten. Nah den Dood vun Nikolaus I. aa' 13. November 867 wurr he denn aber eenmöödig vun den Klerus un dat Volk wählt. He hett de Wahl 75johrig annommen un wurr den Dag dorup, an' 14. Dezember 867, inthroniseert. Kört nah sien Inthronisatschoon wurrrn sien Fru un sien Dochter vun Eleutherus, en Verwandten vun den fröheren Gegenpaapst Anastasius III., ümbrocht.

De fränkischen König Lothar II. hett he de Erloovnis geven, dat Problem vun dat Verstööten vun sien kinnerlos Fru in Rom vörtodragen, womit he sück gliekfalls düütlich kompromissbereiter geev, as sien Vörgänger Nikolaus I. Dat ween weer. En Entscheeden bruuk dat denn aber doch nich mehr to geven, wiel Lothar II. Kört dornah storven is.

Togliek geev Hadrian II. dör dat Hilligspreeken vun de Äbtissin Walburga an en 1. Mai Anlaat för den hüüd in Düütschland noch verbreeten Bruuk vun de Walpurgisnacht, de in de den Patronatsfest för Walburga Walburga vörutgahn Nacht fiert wurrd.

867 hett he den ehmalgen Gegenpaapst Anastasius III. to'n Bibliothekar vun de röömsch Kark nömmt.

Literatur

• Rudolf Schieffer: Hadrian II. In: Lexikon des Mittelalters, Bd. 4 (1989) Sp. 1822–1823.
• Friedrich Wilhelm Bautz: Hadrian II. In: Biographisch-Bibliographisches Kirchenlexikon (BBKL). Band 2, Bautz, Hamm 1990, ISBN 3-88309-032-8, Sp. 425–427

Weblenken

Hadrian II.. Mehr Biller, Videos oder Audiodateien to’t Thema gifft dat bi Wikimedia Commons.

Vörgänger	Amt	Nafolger
Nikolaus I.	Paapst 867 - 872	Johannes VIII.