Hainan (Eiland)
Hainan (chineesch Kortteken 海南岛, Langteken 海南島, Pinyin Hǎinán Dǎo; afkört 琼 Qióng; 
Utspraak D) is en Eiland in de Süüdchineesche See, dat to China höört. De gröttste Stadt un Höövdstadt von de Provinz Hainan is Haikou.
Geografie
ännernVon’n fasten Wall (Leizhou-Halvinsel) is dat 33.210 km² grote Eiland dör de Hainanstraat trennt. De See in’n Westen warrt Golf von Tonkin nöömt.
De höögste Punkt op dat Eiland is de 1840 Meter hoge Wuzhi.
De gröttsten Strööm sünd de 350 km lange Wanning, de 314 km lange Nandu, de 230 km lange Changhua un de 162 km lange Wanquan. De gröttste See is de Songtao-Stausee an’n Nandu.
To de Eilannen vör de Küst von Hainan höört Dazhou, Haidian, Wuzhizhou, Xinbu, dat Nanwan-Apeneiland un dat künstlich anleggte Phoenix-Eiland.
Historie
ännernIn de Oorkunnen dükert dat Eiland 110 v. Chr. toeerst op, as General Lu Bode dat Eiland för de Han-Dynastie innahmen hett.
Bet 1369 weer Hainan Deel von de Provinz Guangxi un denn bet 1988 von de Provinz Guangdong. In dat Johr is dat Eiland mit de lüttjeren Eilannen vör de Küst von Hainan en egen Provinz worrn.
Demografie
ännernDe gröttste Deel von de Inwahners sünd Han-Chinesen. To de lüttjeren Gruppen, de op dat Eiland inheemsch sünd, höört de Hlai, de Utsul un de Limgao.
Koordinaten:19° 12′ N, 109° 42′ O