Hamborger Quickborn

De Quickborn is en plattdüütschen Spraakvereen mit Sitt in Hamborg. Vörsitter is Rolf-Dieter Klooß.

De Quickborn is an’n 17. Februar 1904 op Initiative vun’n Schoolraat Adolf Stuhlmann as Freie Vereinigung von Freunden der Niederdeutschen Sprache und Literatur grünnt worrn. Eerst vun 1906 af an harr de Vereen ok den Naam Quickborn. Pleeg vun plattdüütsche Spraak un Literatur schull de Vereen bedrieven. Ok dat wetenschopliche Forschen to de Spraak is siet 1977 as Ziel vun den Vereen fastschreven.

De Vereen deit siet 1907 veermal in’t Johr siene Mitteilungen aus dem Quickborn mit Opsätz, Rezensionen, Berichten un Narichten rutgeven. Vun 1968 af an deen disse Mitdelungen denn Quickborn - Zeitschrift für plattdeutsche Sprache und Dichtung heten. De Tietschrift Plattdüütsch Land un Waterkant keem siet 1915 tweemal in’t Johr rut. 1993 hebbt se denn Plattdüütsch Land un Waterkant mit den Quickborn tohoopdaan un de Tietschrift dee nu Quickborn - Zeitschrift für plattdeutsche Sprache und Literatur heten. De Quickborn hett ok lang den Quickborn-Verlag bedreven.

Tohoop mit de Spoorkassen in Neddersassen deit de Quickborn den Quickborn-Pries vergeven.

Vörsitters ännern

Literatur ännern

  • Dat’s ditmal allens, wat ik weten do, op’n anner Mal mehr... 100 Jahre Quickborn, Vereinigung für niederdeutsche Sprache und Literatur e.V. Hamburg. Festschrift, rutgeven vun Friedrich W. Michelsen, Wolfgang Müns un Dirk Römmer ünner Mitarbeit vun Jürgen Meier. Quickborn-Verlag, Hamborg 2004. ISBN 3-87651-283-2

Weblenken ännern