Hans-Christian Biallas
Hans-Christian Biallas (* 26. Dezember 1956 in Hannover; † 27. Februar 2022[1]) weer en evangeelschen Theoloog un Politiker.
Biallas is 1956 in Hannover boren. He weer in Soltau un Buxthu op dat Gymnasium un hett denn an de Universitäten Göttingen, Kiel und Amsterdam evangeelsche Theologie studeert. 1981 is he Vikar in Preetz worrn un weer von 1983 bet 1994 Pastoor an de Nicolai-Kark in Olenbrook. He is scheden un hett dree Kinner.
Biallas is 1992 in de CDU rin. Siet 1994 is he Bisitter in’n Vörstand von’n CDU-Bezirksverband Stood. 1995 is he Vörsitter von’n CDU-Stadtverband Cuxhoben worrn un weer siet 1996 in Cuxhoben Raadsherr un Biornten von’n Stadtraad. Von 1994 bet 2011 (13. bet 16. Wahlperiood) is he Maat von’n Landdag von Neddersassen ween. In de 13. un 14. Wahlperiood is he över de Landslist in’n Landdag intagen, in de 15. un 16. Wahlperiood för den Wahlkreis Cuxhoben. Bi de Wahl 2003 hett he 52,2 % von de Stimmen kregen un 2008 38,4 %. He weer in’n Landdag bet Juni 2011 Frakschoonsspreker för Binnensaken, Sport un Integratschoon.
Biallas is na en Besluss von dat neddersassische Landskabinett to’n 1. Juni 2011 as Nafolger von Sigrid Maier-Knapp-Herbst Präsident von de Kloosterkamer Hannover worrn.[2] Nadem het dat worrn is, hett he sien Mandaat in’n Landdag dalleggt. För em is Annette Schwarz narückt.
Weblenken
ännern
Hans-Christian Biallas. Mehr Biller, Videos oder Audiodateien to’t Thema gifft dat bi Wikimedia Commons.
Footnoten
ännern- ↑ Klosterkammer-Präsident Hans-Christian Biallas ist tot. In: Hannoversche Allgemeine Zeitung. 27. Februar 2022, afropen an’n 27. Februar 2022.
- ↑ CDU-Politiker wird Nachfolger von Sigrid Maier-Knapp-Herbst.Biallas Klosterkammer-Chef. In: Weser-Kurier, 20. April 2011. Afropen an’n 22. April 2011