Hans-Hilger Ropers

Hans-Hilger Ropers (* 15. Oktober 1943 in Steenkark) is en düütschen Humangenetiker un Direkter an dat Max-Planck-Institut för molekulare Genetik in Berlin-Dahlem.

Ropers is 1943 in Steenkark boren un hett later Medizin an de Universitäten Freiburg un München studeert. 1972 hett he sien Dokter maakt un hett 1978 de Habilitatschoon för de Humangenetik an de Universität Freiburg kregen. He hett toeerst in Freiburg arbeidt un is 1984 denn an de Universität von Nimwaege gahn. Dor weer he Baas von de Humangenetik un is bet 1997 bleven. 1994 is he Direkter an dat Max-Planck-Institut för molekulare Genetik in Berlin worrn.

He forscht vör allen to de geneetschen Oorsaken von Blindheit, Doovheit un geistige Defekte.

Ropers is Maat von de Berlin-Brannenborgsche Akademie von de Wetenschoppen un von de Königlich Nedderlandsche Akademie von de Wetenschoppen. 2009 hett he de Ehrenmedallje von de Düütsche Sellschop för Humangenetik kregen un 2014 den EURORDIS Scientific Award.