Hans-Jürgen Graf von Blumenthal
Hans-Jürgen Adam Ludwig Oscar Leopold Bernard Arthur Graf von Blumenthal (* 23. Februar 1907 in Potsdam; † 13. Oktober 1944 in Berlin-Plötzensee) weer en düütsch Offizier un Wedderstandskämper vun den Anslag vun'n 20. Juli 1944.
Leven ännern
Von Blumenthal studeer Rechtswetenschap un hett sück wiels sien Studientiet in' Stahlhelmbund insett. He hett as Redakteur för de vun' Bund herutgeven Zeitung arbeit un hett Lehrgänge vun de Swaart Riekswehr besöcht.
Nah dat Studium wurr he Leutnant in en Infanterieregiment vun de Wehrmacht un distanzeer sück nah anfänglich Begeisterung immer mehr vun' Natschonalsozialismus. 1938 hett he sück an de Plääns för en Putsch för den Fall vun en Krieg gegen de Tschechoslowakei bedeeligt. Dör dat Münchner Afkommen wurr de Kriegsbeginn allerdings vöreerst verschaven un de Putsch hett denn ok nie stattfunnen.
In' Tweeten Weltkrieg deen he tonächst as Oberleutnant, dörg aber dör en swoor Verwundung nich mehr för den Frontdeent un hett sien Deenst denn in dat Allgemeen Heeresamt vun dat Böverkommando vun dat Heer versehn. Dor hett he Claus Schenk Graf von Stauffenberg kennen lehrt un hett sück an de Plaan vun den Anslag vun'n 20. Juli 1944 bedeeligt.
Nah dat scheefgahn Attentat wurr von Blumenthal vun de Gestapo fastnommen un vun' Volksgerichtshoff to'n Dood veroordeelt. An' 13. Oktober 1944 wurr he in dat Straafgefängnis Plötzensee henricht.