Hans-Rainer Frede

düütsch Politiker

Hans-Rainer Frede (* 28. Juni 1932 in Breslau; † 26. August 2005 in Thale) weer en düütschen Jurist un Politiker von de SPD.

Frede is 1932 in Breslau boren. Bet to siene Flucht na Queddelnborg in’n Februar 1945 weer he op de School in Lauban/Slesien. He hett de Oberschool 1950 mit dat Abitur afslaten. He is denn na Hannover tagen un hett Juristeree an de Universitäten Mainz ud Hamborg studeert. Sien eerst juristisch Staatsexamen hett he 1954 afleggt. Dat twete Staatsexamen hett he 1959 maakt. Frede hett denn an de Universität Hamborg sien Dokterarbeid över en strafrechtlich Thema schreven un en Ergänzungsstudium in Volksweertschop un Psychologie anfungen. Den Dr. jur. hett he in’n Sommer 1961 afslaten.

Von 1960 bet 1962 weer he persönlichen Referent von de neddersassischen Sozialministers Georg Diederichs un Kurt Partzsch. Von 1962 bet 1963 is he an’n Landkreis Allefelle afordnet worrn un von Februar 1963 bet Oktober 1965 an’n Regerungsbezirk Hannover. Von 1965 bet 1970 weer he Böverkreisdirekter von’n Landkreis Zellerfeld un von 1971 bet 1976 Regerungspräsident von’n Regerungsbezirk Lümborg. Na disse Tied weer he as Avkaat aktiv.

Frede weer Maat von de Gewerkschaft ÖTV un Vörsitter von’n SPD-Oortsvereen Lümborg. He weer ok Vörsitter von’n Landsfrömmenverkehrsverband von Neddersassen un von’n Frömmenverkehrsverband in de Lümbörger Heid.

Frede weer von’n 21. Juni 1978 bet 20. Juni 1982 (negente Wahlperiood) Maat von’n Landdag von Neddersassen. He is över de Landslist in’n Landdag intagen. He weer dor von’n 15. September 1978 bet 20. Juni 1982 Vörsitter von’n Utschuss för Weertschop un Verkehr.

Warken ännern

  • Die Rechtspflicht zum Handeln aus vorangegangenem Tun bei den unechten Unterlassungsdelikten, Dissertation Universität Hamborg 1961