Hans Friedrich (FDP)

Hans Friedrich (* 2. Februar 1917 in Carlsruhe, Böverschlesien; † 25. Juni 1998 in Walzbachtal) weer en ehmalger düütsch Politiker (FDP, later BHE).

Leven un Berof

Nah en Medizinstudium hett Friedrich tonächst twee Johr lang as Militärdokter arbeit un weer denn af 1942 in’ vertroensärztlichen Deens vun de Düütsche Rieksbahn tätig.

Politik

Friedrich is 1946 de FDP bitreden un wurr deren Kreisvörsitter in’ Landkreis Frankenberg. 1948/49 weer he tweet Vörsitter vun de Landesflüchtlingsorganisatschoon in Hessen. Bi de Bundsdagswahl 1949 wurr he up de hessisch Landeslist vun de FDP in den eersten Düütschen Bundsdag wählt. An’ 5. Oktober 1950 hett he Partei un Fraktschoon verlaaten. An’ 16. November hett he mit anner Verdrevenenpolitiker de Bundsdagsgrupp BHE/DG grünnd. Nahdem de aber dör den Dood vun de Afordneten Stephan Weickert ünner de Mindsttall an Liddmaaten sunken weer, hett he sück an’ 2. April 1952 as Gast weer sien oorsprünglich Fratschoon anslooten. Nah dat Enn’ vun de Legislaturperiood is he politisch nich mehr hervörtreden un weer ok nich mehr Liddmaat vun den Düütschen Bundsdag.

He is nich mit den FDP-Politiker Hans Friderichs to verwesseln.

Weblenken

• Online-Volksvertretung, de nipp un nau Datensatz moot mit de Söökfunktschoon rutsöcht wurrn.