Hans G. Trüper

Hans Georg Trüper (* 16. März 1936 in Aumund^[1]; † 9. März 2016 in Bonn) weer en düütschen Mikrobioloog un Historiker.

Trüper is 1936 in Aumund boren. He hett 1955 dat Abitur an’t Gerhard-Rohlfs-Gymnasium in Vesack maakt.

1964 hett he an de Universität Göttingen sien Dokterarbeid över dat Thema CO₂-Fixierung und Intermediärstoffwechsel bei Chromatium okenii Perty schreven un is Dr. rer. nat. worrn. 1971 hett he över dat Thema Adenylylsulfat-Reduktase in phototrophen Bakterien habiliteert. He hett den Lehrstohl för Mikrobiologie an de Universität Bonn övernahmen un dor dat Institut för Mikrobiologie un Biotechnologie begrünnt. In’n März 2001 is he emeriteert worrn. He weer Maat in en Reeg natschonale un internatschonale Facksellschopen un hett mehr as 200 Publikatschonen rutbrocht. An’n 22. Oktober 2002 hett de Fackbereich för Biologie un Chemie an de Universität Bremen em för siene Verdeensten to’n Ehrendokter maakt.^[2]

Blangen de Arbeid as Mikrobioloog hett Trüper sik ok mit de Regionalgeschicht von dat Elv-Werser-Dreeeck uteneensett. He hett blangenbi ünner annern bi Bernd Ulrich Hucker an de Universität Vechte Geschicht studeert un hett dor 1998 mit en Arbeid över Die Ministerialität des Erzstifts Bremen den Dr. phil. maakt.

Trüper is an’n 9. März 2016 in Bonn doodbleven.

Ehren

Bergey-Medaille 1999

Warken

Mikrobiologie (Utwahl)

The Prokaryotes. A Handbook on the Biology of Bacteria: Ecophysiology, Isolation, Identification, Applications. (Mitrutgever). Springer, Berlin 1992, ISBN 3-540-97258-7
How to name a prokaryote? Etymological considerations, proposals and practical advice in prokaryote nomenclature. FEMS Microbiology reviews 23 (1999), S. 231–249

Regionalgeschicht

Ritter und Knappen zwischen Weser und Elbe. Die Ministerialität des Erzstifts Bremen. 2. Oplaag, Stood 2015, ISBN 978-3-931879-61-7
Die Ministerialität des Erzstifts Bremen. Ein Beitrag zur Sozial- und Verfassungsgeschichte des Niederadels. Dokterarbeid, Vechte 1998
Die Herren von Bederkesa. 1989, ISBN 3-9802083-8-9

Footnoten

↑ Kürschners Deutscher Gelehrten-Kalender. 18. Ausgabe (2001). Bd. 3, S. 3319.
↑ Universität Bremen: Universität verleiht Professor Hans Georg Trüper die Ehrendoktorwürde. Pressemitteilung Nr. 221a von’n 23. Oktober 2002.

[1] Kürschners Deutscher Gelehrten-Kalender. 18. Ausgabe (2001). Bd. 3, S. 3319.

[2] Universität Bremen: Universität verleiht Professor Hans Georg Trüper die Ehrendoktorwürde. Pressemitteilung Nr. 221a von’n 23. Oktober 2002.

[1]

[2]