Hans Urban (* 6. Dezember 1877 in Montevideo; † 27. Mai 1937 in Veern) weer en düütschen Verwaltungsbeamten.

Urban is 1877 as Söhn von en Koopmann in Montevideo in Uruguay boren.[1] En Stoot later is he mit siene Familie trügg na Rostock kamen. Dor weer he von 1888 bet 1898 op de Grote Stadtschool Rostock.[1] Na dat Abitur to Oostern hett he von 1898 bet 1904 Juristeree an de Universitäten Göttingen, München un Rostock (inschreven an’n 20. Oktober 1900[2], bet 1903) studeert.[1] 1905 hett he dat Referendar-Examen in Rostock maakt un 1905 bet 1909 den juristischen Vörbereitungsdeenst bi dat Amtsgericht Rostock un dat Landgericht Rostock daan.[1] 1909 hett he in Rostock de Assesser-Prüfung maakt un 1911 sien Dokterarbeid schreven, mit de he Dr. jur. worrn is.[1] 1911 bet 1912 weer he Hülpsarbeider bi de Stadtverwaltung Ossenbrügge.[1]

Von 1913 bet 1919 weer he denn Börgermeester von de Stadt Jever un is von dor as Börgermeester in de Stadt Veern wesselt.[1] Dat weer he von August 1919 bet to sien Dood 1937.

Na em is vondaag in Veern de Börgermeester-Urban-Straat nöömt.

Footnoten ännern

  1. a b c d e f g Deutscher Wirtschaftsführer. Hanseatische Verlagsanstalt, 1929, Sied 216
  2. Indrag in dat Rostocker Matrikelportal