Hapax legomenon

En Hapax legomenon (von greeksch ἅπαξ hápax ‚eenmal‘; λεγόμενον legómenon ‚dat, wat seggt warrt‘) is en Woord, dat in en Text, en Textkorpus oder sogor in all opschreven Warken von en ganze Spraak blot eenmal vörkummt. En Bispeel is dat Woord sassesche Woord thimm, dat blot eenmal in’n Heliand vörkummt (thimm endi thiustri, ‚thimm un düüster‘, verwandt mit engelsch dim, wat as Dimmer un dimmen ok wedder Ingang in de düütschen Spraken funnen hett) un ans narms wedder in de sasseschen Schriften. Bi sone Wöör is dat faken swoor oder sogor unmööglich ruttokriegen, wat de genau bedüden schöölt. Wenn en Woord twee, dree oder veer Maal vörkummt, gifft dat dor noch de Begrepen dis legomenon, tris legomenon un tetrakis legomenon för.

Hapax legomena hebbt faken ok Bedüden, ruttokriegen, ’keen en Text schreven hett. Bi de Bibel to’n Bispeel.