Hauptmenü öffnen

Harm Dallmeyer (* 16. Dezember 1942 in Eckernföör; † 11. April 1983 in Sleswig) weer en düütsch Politiker CDU.

Berop un FamilieÄnnern

Dallmeyer hett de I. Kieler Middelschool 1960 mit de Middlere Riep afslooten un hett ansluutend en Timmermannslehr maakt, de he 1963 mit de Gesellenprüfung afslooten hett. Dornah wurr he Bundswehrsuldat un 1965 to’n Offizier befördert. Van 1965 bit 1967 weer he Toogführer in dat Swoor Pionierbataillon 620 Sleswig, ansluutend bit 1970 Personaloffizier. Van 1970 bit 1972 weer he Kompaniechef vun en Pionierkompanie un van 1972 bit 1974 Offizier för Gefechtsführung, Organisatschoon un Utbillen vun dat Bataillon. 1974 wurr he to’n Major befördert un weer af 1974 as Adjutant un Zentraldezernent bi den Chef vun den Staff in dat Territorialkommando Sleswig-Holsteen tätig, af 1974 Verwennenslehrgang för Personalstaffsoffiziere an de Führungsakademie.

Dallmeyer weer vereheiraadt un harr dree Kinner.

PolitikÄnnern

Dallmeyer is 1971 in de CDU intreden. He wurr Oortsvörsitter in Sleswig un Liddmaat vun den Kreisvörstand. Van Dezember 1976 bit Oktober 1980 weer he Generalsekretär vun de CDU Sleswig-Holsteen.

He wurr 1974 Raatsherr in Sleswig un weer stellvertreden Spreker vun de CDU-Fraktschoon in’ Raat un Vörsitter vun den Arbeitskring Stadtentwicklung. Van’ 29. Mai 1979 bit to’n 3. November 1980 weer he Liddmaat vun den Landdag in Sleswig-Holsteen. In’ Landdag weer he Liddmaat vun den Binnen- un Rechtsutschuss. He hett sien Landdagsmandat daalleggt, nahdem he in den Düütschen Bundsdag wählt wurrn weer, den he af den 4. November 1980 anhörrn dee. He wurr över de Landslist in den Bundsdag wählt. 1983 is he weer wählt wurrn, ditmal aber as Direktkandidat, is aber denn an’ 11. April 1983 vör de Tiet storven.

WeblenkenÄnnern