Harri Henrik Eloranta (* 4. Dezember 1963 in Köyliö) is en ehmalger finnisch Biathlet.

Harri Eloranta arbeitet bi de finnisch Küstenwache. He leevt in Ähtäri un is för den Vereen Säkylän Urheilijat antreeden.

Mit den Biathlonsport fung he 1978 an. Sien eersten Insatz in' Biathlon-Weltcup harr he in de Saison 1983/84. De eerste Top-Ten-Platzeeren reck he 1987 as Söbenter in en Sprintrennen in Canmore. 1989 in Östersund kunn he in' Weltcup as Fievte en noch beter Ergevnis schaffen. In de Saison 1988/89 reck he mit den 23. Platz in de Gesamtwertung sien best Ergevnis in disse Wertung. Tüschen 1985 un 2000 is de Finne, de in sien letzt Biathlon-Johren as Oorgesteen un Legende vun den Biathlonsports gull, bi negen Biathlon-Weltmeesterschapen an. Sien best Eenzelergevnis kunn he 1989 as Twalft in dat Sprintrennen vun Feistritz recken, best Ergevnis mit de Staffel weer Platz Söben 1997 in Osrblie.

Tüschen 1988 un 1998 is Eloranta bi all veer Olympisch Winterspelen antreeden. 1988 reck he in Calgary Platz 50 in' Eenzel un Platz 25 in' Sprint, 1992 in Albertville leep he de spoodriekst Rennen in sien Loopbahn. In' Eenzel verpass he mit Rang 5 noch en Medaille, in' Sprint kunn he bi den Sieg vun Mark Kirchner un achter Ricco Groß Bronze winnen. Mit de Staffel reck he denn noch mal den achten Platz. 1994 belegg he in Lillehammer Platz 30 in' Eenzel un Platz 15 in' Sprint un keem mit de finnisch Staffel up den fievten Platz. Sien letzte Spelen hett he as nu 34-johriger 1998 in Nagano bestreeden. In Japan belegg he Platz 20 in' Sprint un Rang Acht mit de Staffel. 2000 hett he sien internatschonale Loopbahn afslooten.

Weblenken ännern