Harry Tallert

düütsch Politiker

Harry Tallert (* 11. Juli 1927 in Beuthen; † 29. November 1997 in Bremerhoben) weer en düütschen Journalist un Politiker von de SPD.

Tallert is 1927 in Beuthen boren un 1928 mit siene Familie na Bremerhoben tagen. Dor hett he de School mit de Middlere Reife afslaten. In’n Oktober 1944 is he in Gestapo-Haft kamen, in de he bet an dat Enn von’n Tweten Weltkrieg bleven is. Na’n Krieg hett he toeerst as Anstellten arbeidt un denn von 1948 bet 1950 en Lehr as Redaktör maakt. Na disse Tied hett he as Journalist arbeidt. He weer von 1953 bet 1965 bi de Bremer Bürger-Zeitung, von de he 1964/1965 ok för en Tied Chefredaktör weer. 1974 bet 1975 weer he bi de Vereenten Natschonen in Genf tostännig för dat Inföhren von en Informatschoonsprogramm över Noord-Süüd-Fragen.[1]

Tallert is 1953 Maat von de SPD worrn.

He weer in de 4. bet 6. Wahlperiood von 1955 bet 1965 Maat von de Breemsche Börgerschop. Dor is he an’n 19. Oktober 1965 utscheden, üm sien Mandaat in’n Bundsdag uttoöven. För em in de Börgerschop narückt is denn Julius Salomon. Bi de Wahl 1965 to’n Düütschen Bundsdag hett he mit 51,3 % von de Eerststimmen dat Mandaat in’n Wahlkreis Bremerhoben-Bremen Noord wunnen. Bi de Wahl 1969 hett he mit 54,3 % noch wedder wunnen. He weer dormit in de 5. un 6. Wahlperiood von 1965 bet 1972 Maat von’n Bundsdag.

EhrenÄnnern

LiteraturÄnnern

  • Rudolf Vierhaus un Ludolf Herbst (Rutgevers): Biographisches Handbuch der Mitglieder des Deutschen Bundestages 1949–2002. Band 2, N–Z, Saur, München 2002, ISBN 3-598-23782-0, S. 869
  • Norbert Korfmacher: Mitgliederverzeichnis der Bremischen Bürgerschaft 1946 bis 1996 (Kommunalpolitik, Bd. 1). LIT-Verlag, Münster 1997, ISBN 3-8258-3212-0

FootnotenÄnnern

  1. Aus Politik und Zeitgeschichte. Band 30, Utgaven 1-26, Bundeszentrale für politische Bildung, 1980, Sied 2