Hasselmuus
De Hasselmuus (Muscardinus avellanarius) is en nachtaktiv Gnaagdeert ut de Familie vun de Slaapmüüs (Myoxidae).
| Hasselmuus | ||||||||||
|---|---|---|---|---|---|---|---|---|---|---|
 | ||||||||||
| Systematik | ||||||||||
| ||||||||||
| Wetenschoplich Naam | ||||||||||
| Muscardinus avellanarius | ||||||||||
| Linnaeus 1758 |
Se bringt 15 bet 40 Gramm op de Waag un warrt knapp 15 cm lang, wobi mehrst de Hälft vun de Läng de Steert utmaakt. Dat Fell is geelbruun bet rootbruun mit en witten Plack an’n Strütt un de Bost, an’n Steert mehrst wat düsterer.
Levensruum ännern
Ehr Levensruum sünd Mischwoolden mit veel Busch in Middel-, Noord- un Oosteuropa.
Levenswies ännern
Den Dag över slöppt de Hasselmuus in ehr so wat ene Fuust groot, kugelig Nest, dat se ut Twiegen, Blääd, Gras un Moos boot un in üm un bi twee Meter Hööch in Büsch un Bööm ophangt. Faken bruukt se ok Nesthöhlen. In de Tiet vun Mai bet Enn Oktober striept se in’e Nacht rüm un fritt Knubben, Saatköörn, Beeren, Insekten un Hasselnööt. Den Winterslaap verbringt se in en annern, vör Frost sekeren Nest in Eerdhöhlen oder Stubben. Dat Seken kriggt tweemal in’t Johr dree bet fief Lütte, de in en wat grötteren Nest bi de Moder bleevt, bet se so wat 40 Daag na de Geboort unafhangig sünd.
