Heiko Gauert (* 20. April 1949 in Eckernföör) is en plattdüütschen Journalist, Schriever un Schoolmeester.

Leven ännern

Gauert is 1949 in Eckernföör boren. As Journalist is Gauert vör allen för’n Sleswig-Holsteenschen Zeitungsverlag aktiv, ünner annern mit de Weken-Kolumne Aktuell op Platt, un för’n Noorddüütschen Rundfunk, to’n Bispeel för Hör mal’n beten to. As plattdüütschen Schriever hett he ünner annern de Böker Amor an de Diek un Sünnschien un Wulken rutbröcht.

Bet 2012 hett he över 350 Vördrääg in ganz Noorddüütschland, aver vör allen in Sleswig-Holsteen hollen. Dor mank weren üm un bi 300 Optreed mit sien Programm Op Plattdüütsch heet dat Moin, in dat he populärwetenschoplich över Geschicht un Belang von de plattdüütsche Spraak berichten deit un en Reeg Textbispelen to’n Nadenken un Smüüstern gifft.

Gauert höört siet 2010 to’n Bundesraat för Nedderdüütsch. Tosätzlich is he Maat von’n Plattdüütschen Raat för Sleswig-Holsteen, von’n Biraat Nedderdüütsch in’n Sleswig-Holsteenschen Landdag un in’n Utschuss för Nedderdüütsch un Freesch bi’n Sleswig-Holsteenschen Heimaatbund.[1] He engascheert sik dor besünners, plattdüütsche Spraakkumpetenz över de staatlichen Bildungsinrichtungen ünner de Lüüd to bringen.

Heiko Gauert hett lang in Silzen leevt. He weer Schoolbaas von de Wilhelm-Käber-Gemeenschopsschool in Hohenlocksteed.[2] 2014 is he in Penschoon gahn. Nu leevt Gauert in Damp un is Baas von de „Plattdüütsch Gill Eckernför Johann Hinrich Fehrs“.

Ehren ännern

2013 hett Gauert de Verdeenstmedallje von’n Verdeenstorden von de Bundsrepublik Düütschland kregen.

Warken ännern

Footnoten ännern

  1. Eckernförder Zeitung: Ein Jahrhundert Plattdüütsch Gill von’n 3. März 2012. Afropen an’n 20. Oktober 2015.
  2. VHS Hohenlocksteed

Weblenken ännern