Heinrich Krüger

Heinrich Krüger, mit vullen Naam Heinrich Karl Adolf Krüger, Schrieversnaam: Thies Ruge (* 9. November 1878 in Schöönbarg; † 28. August 1964 in Läernstäine) was een düütschen Literatuurhistoriker un plattdüütschen Schriever.

Leven

Postamt in Parchen, dat Krüger leid het

Heinrich Krüger keem den 9. November 1878 as Söön vun enen Postmeister in dat mekelnbörgsche Schöönbarg up de Welt. He besöchte dat Realgymnasium in Rostock, studeer an de Universität Rostock vun den Wintersemester 1897 an korte Tied Nee’ere Spraken, is denn man anfungen bi de Post to arbeiden.^[1] Üm 1914 was he Overpostsekretär in Swerin, 1927 is he Postdirekter in Parchen worrn. 1932 was he Vöörsitter vun den Plattdeutschen Landesverband in Parchen. 1946 is he na Läernstäine bi Hameln trocken.

Krüger schreev ünner sienen Schrieversnaam „Thies Ruge“ up Plattdüütsch un het 1913 ene plattdüütsche Literatuurhistorie schreven: Geschichte der niederdeutschen oder plattdeutschen Literatur vom Heliand bis zur Gegenwart.

Schriften

Ut swore Tiden. De Parchimsch Chronik nahvertellt. Parchen 1910.
Geschichte der niederdeutschen oder plattdeutschen Literatur vom Heliand bis zur Gegenwart. Swerin 1913.
Uut Stoff un Stoom. En Sang von'n Krieg. Swerin 1915.
Dat Läuschenbauk. Ein Strauß guter Läuschen. Hamborg 1919.
En Sommerdrom. Swerin 1924.
De Spöök. Plattdeutsches Lustspiel in 3 Aufzügen. 1925.