Heinrich Meibom (Dichter)
Heinrich Meibom auk Heinrich Meibom de Öllere (* 4. Dezember 1555 in Alverdissen; † 20. September 1625 in Helmstidde) was eun duitsken Historiker un Dichter.
Lieven
ännernHeinrich Meibom stammt van den aulen Adelsslecht Meibom af.
Heu wurr ol fröh teo eun Waiskind.Süin Vadder, Martin Meibom eun evangeelsk Theologe; Konrekter van’r Latüinscheole in Lemge un Paster in Alverdissen, 1556/1557 beliv daud, dor was Heinrich Meibom eun oder tweu Johr auld.[1] Meibom ging na dat Gymnasium in Lemge, läter up dat Gymnasium in Minnen. 1574 fing heu an os Hiuslehrer för de beuden Söhne van den Bruunswieker Stadtsuperintendanten Martin Chemnitz. Van 1577 an studeer heu an Universität Helmstidde un kreig 1580 den Magistergraad. In’n Johre 1583 kreig heu de Baantje os Perfesser för Dichtkunst un Historie. Heu schreiv man nich blaut veul över de Historie van dat Hertogdom Bruunswiek man bröch auk veule Borns, deu heu sammel, över de middelöllerige Historie van Duitskland riut. Rudolf II. gaff em den9. Juli 1590 den Poeta Laureatus un em teo eun Eddelmann maak.[2]
Werke
ännernSüine Parodiarum horatianarum libri III et sylvarum libri II (1588) oa auk Opuscula historica ad res germanicas spectantia van süinen Grautsuhn mit den sülvigen Nomen Heinrich Meibom in′n Johre 1688 os Rerum germanicarum scriptores unner de Luie bröcht.
Literatuur
ännern- Meibom, Heinrich (der Ältere)In: Neue Deutsche Biographie (NDB). Band 16, Duncker & Humblot, Berlin 1990, ISBN 3-428-00197-4, S. 629–631 ([In: Neue Deutsche Biographie (NDB). Band 16, Duncker & Humblot, Berlin 1990, ISBN 3-428-00197-4, S. 629–631 Diditalsat])
- Meibom, Heinrich (Historiker) In: Allgemeine Deutsche Biographie (ADB). Band 21, Duncker & Humblot, Leipzig 1885, S. 187.