Heinrich Stürenburg

Cirk Heinrich Stürenburg (* 12. Februar 1798 in Auerk; † 11. Januar 1858 ok dor) weer en düütschen Jurist, Kamerraad un Konsulent.

Stürenburg is 1798 as öllst Söhn von en Avkaat un Notar in Auerk boren. He hett Juristeree an de Universität Göttingen studeert un sien Staatsexamen 1817 an dat Obergericht Celle maakt. He weer Maat von de Corps Bremensia Göttingen un Frisia Göttingen. 1818 is he as Avkaat in Berum tolaten worrn un een Johr later as Notar in Wittmund. 1825 hett Stürenburg de Kanzlie von sien Vader in Auerk övernahmen. 1831 is he Kamerkonsulent worrn un 1841 Kamerraad. Toletzt weer he Präsident von de Oostfreesche Avkatenkamer. 1848 weer he kunservativen Woordföhrer gegen Franz Wilhelm Miquel. He hett sik ok för Spraak un Literatur intresseert un hett 1857 dat Ostfriesischen Wörterbuch rutbröcht. He hett Fründschop mit Robert Schumann un Felix Mendelsson Bartholdy pleegt un weer verantwortlich för dat Rutgeven von Johann Sebastian Bach sien Vokalwark.

1851 hett he den Guelphenorden kregen.

Familie

Stürenburg weer verheiraadt mit Wilhelmine Stürenburg (borene Rieken). De beiden harrn alltohoop söven Döchter un twee Söhns.

Warken

• Ostfriesisches Wörterbuch. Karl Otto Seyde, Auerk 1857 (Nadruck: Schuster-Verlag, Leer 1972, ISBN 3-796300-31-6)

Weblenken

• Heinrich Stürenburg in de Datenbank Die niederdeutsche Literatur (hoogdüütsch)