Helmut Heyne

Helmut Heyne (* 1948 in Nörden) is en düütschen Verwaltungbeamten. He is Maat von de FDP.

Heyne is 1948 in Nörden boren un in Bremen opwussen. Dor hett he ok sien Abitur maakt. He hett 18 Maand Wehrdeenst bi de Bundswehr maakt un weer ünner annern bi dat 6. Minensöökgeschwader in Coxhoben. He hett von 1969 bet 1973 Volkswirtschaftslehre an de Universität Mönster studeert un sien Diplom-Volkswirt maakt. Heyne hett denn toeerst as Controller bi de Bremer Lagerhuussellschop arbeidt. He hett von 1974 af an bi de Stadt Hannover arbeidt un weer bet 1994 Baas von dat Amt för Wirtschaftsförderung. Denn weer he bet 2000 Eersten Kreisraad in’n Landkreis Horborg. Heyne is an’n 18. Juni 2000 mit 64,10 % von de Stimmen as gemeensamen Kannedaten von CDU un SPD as Börgermeester von de Stadt Cuxhoben wählt worrn. Ofschoonst he in de FDP is, is he as parteilosen Kannedaat antreden. An’n 26. Juni 2000 hett he dat Amt övernahmen. He is dat bet to’n 11. Februar 2005 bleven. He güng denn na dat Weertschopsministerium von Neddersassen un weer Baas von dat Afdeel Industrie.

2012 is he Vörsitter von’n Opsichtsraad bi Niedersachsen Ports worrn.