Henning Fricke

Henning Fricke (* 25. Mai 1974 in Stood) is en düütschen Verwaltungsbeamten un Politiker von de SPD.

LevenÄnnern

Fricke is 1974 in Stood boren. He weer von 1980 bet 1984 op de Grundschool Heeßel, von 1984 bet 1986 op de Orientierungsstufe in Zeven un denn von 1986 bet 1990 op de Realschool Zeven. Na’n Realschoolafsluss hett he von 1990 bet 1993 op dat Fachgymnasium Technik dat Abitur maakt.

Von 1993 bet 1994 hett he bi de Sanovo Eiprodukte GmbH & Co.KG arbeidt un von 1994 bet 1995 sien Zivildeenst bi dat Reha-Zentrum in Jeem maakt.

Von 1995 bet 1997 hett he en Lehr as Mürger maakt un hett von 1997 bet 1999 as Mürgergesell arbeidt. Von 1999 bet 2004 hett he Boinschenörwesen an de Fachhoochschool Noordoostneddersassen in Buxthu studeert un dat Studium as Dipl.-Ing. (FH) afslaten.

He hett von 2003 bet 2007 as Boinschenör in Zeven arbeidt un weer denn von 2007 af an Boinschenör bi de Norddeutsche Bauernsiedlung GmbH in Zeven.

Fricke is verheiraadt un hett dree Döchter. He leevt in Heeßel.

PolitikÄnnern

Fricke is 2002 Maat von’n Gemeenraad von de Gemeen Heeßel worrn un 2006 von’n Samtgemeenraad von de Samtgemeen Zeven. 2013 hett he in’n Samtgemeenraad den Posten as Frakschoonsvörsitter von de SPD övernahmen. Siet 2011 is he tosätzlich Afornten in’n Kreisdag von’n Landkreis Rodenborg.

Nadem de Samtgemeenbörgermeester von de Samtgemeen Zeven, Jürgen Husemann, 2018 von wegen en swore Krankheit vör de Tied in Rohstand gahn is, hett dat an’n 10. Februar 2019 en Wahl to’n Samtgemeenbörgermeester geven, bi de Fricke Kannedaat för de SPD weer. Fricke hett de Wahl mit 50,14 % von de Stimmen wunnen un hett dat Amt denn övernahmen.

WeblenkenÄnnern