Henry Daras (* 9. Dezember 1850 in Rochefort; † 10. Mai 1928 in Angoulême) weer en franzöösch Maler in de Nahfolge vun Pierre Puvis de Chavannes.

Biografie ännern

Henry Daras fung sien Werdegang an de École des Eaux et Forêts in Nancy an, is aber bald in de Ateliers vun de Maler Alexandre Cabanel un Jules-Élie Delaunay in Paris wesselt. Eerst bi sien dart Lehrer un lateren Früend, den Symbolisten Pierre Puvis de Chavannes, föhl he sück stilistisch un intellektuell good uphaven. He hett Warken för de olt Kark vun den hilligen Franz von Sales in Paris un de Kark Saint-Martial in Angoulême schafft. Nah den Dood vun sien Lehrmeester (1898) leet he sück in Angoulême daal; dor entwickel he en tonehmen persönlichen Stil un hett tallriek Porträt- un Landschapsbiller. Wiet weg vun de Metropole Paris hett he in sien letzt Levensjohren immer starker abstraheerte Gemälde malt, de mit blots wenig Farv un ahn hell Luchtreflexe etc. utkommen. Eenige vun sien Biller befinnen sück in dat Musée d’Angoulême.

Malerfrüenden ännern

Bit in sien laat Johren pleeg he Kuntakte to sien jüngere Malerfrüenden Ary Renan († 1900), Albert Bartholomé († 1928), Albert Siffait de Moncourt († 1931) un Edmond Aman-Jean († 1936), ahn aber deren Malwies to adapteeren.

Biller ännern

Weblenken ännern

  Henry Daras. Mehr Biller, Videos oder Audiodateien to’t Thema gifft dat bi Wikimedia Commons.