Herbert Baack

Herbert Baack (* 3. Februar 1921 in Witten; † 5. Juli 2006) weer en düütschen Politiker von de SPD.

Leven

Baack is 1921 in Witten boren un weer evangeelsch. Na de Volksschool hett he en Lehr as Dreiher maakt un in düssen Beroop arbeidt. Von 1939 bet 1945 weer he in’n Tweten Weltkrieg Soldaat.

Na’n Krieg hett Baack wedder as Dreiher arbeidt. He is 1955 Industriemeester worrn un weer later as Böverwarkmeester bi de Maschinenfabrik Korfmann in Witten anstellt.

Politik

Baack is 1948 in de SPD rin. Von 1952 bet 1975 weer he Maat in’n Raad von de Stadt Witten. Von de Bundsdagswahl 1969 bet 1983 weer he as direkt wählten Kannedaat in’n Wahlkreis Baukem–Witten Liddmaat von’n Düütschen Bundsdag. Siet 27. Oktober 1982 weer he Viez-Vörsitter von’n Finanzutschuss in’n Bundsdag.

Literatur

• Rudolf Vierhaus un Ludolf Herbst (Rutgevers): Biographisches Handbuch der Mitglieder des Deutschen Bundestages 1949–2002. Band 1, A–M, Saur, München 2002, ISBN 3-598-23781-2, S. 27