Hauptmenü öffnen
Herbert Wimmer in dat Johr 1972

Herbert „Hacki“ Wimmer (* 9. November 1944 in Eupen – dormals Düütsch Riek, jetzt Belgien) is en ehmalger düütsch Footballspeler, de as Aktiver vun Borussia Mönchengladbach in de Johren 1970, 1971 un 1975 bit 1977 de Düütsch Meesterschap wunn. Mit de Mannschap vun' Bökelberg hett he sück ok 1973 in' DFB-Pokal un 1975 in' UEFA-Cup dörsett. In sien Natschaonalmannschapskarriere van 1968 bit 1976 - 36 Lännerspelen mit veer Doren – wunn he 1972 dat Finale vun de Europameesterschap in Brüssel un hör mit twee Insatzen to dat düütsch Team, de 1974 Football-Weltmeester wurr, ok wenn he in't Endspeel nich to'n Insatz keem. För Borussia Mönchengladbach hett he van 1966 bit 1978 in de Football-Bundsliga 366 Spelen maakt un dorbi 51 Doren schaaten.

Sien Loopbahn fung an as Flögelstörmer bi den Vereen Borussia Brand (dicht bi Aken), wo he all Jöögdöllersklassen dörloopen dee. He gull all loopfreudig, hakenslahnd un kombinatschonsseker. To de Saison 1966/67 wurr vun Gladbach anhüert. Mit hüm fungen dormals de Dorhöder Volker Danner, Verteidiger Vladimir Durković un Störmer Dieter Schollbach nee an. 1966 keem dat ok all to eerst Insätzen in de U-23 Natschonalmannschap. In de Loop vun de nächst twee Johren wurr he aber immer mehr as spielerisch un taktisch präägt defensiv Middelfeldspeler insett, de kumplett ahn „Knakenbrekerrmentalität“, aber mit besünners Utdüervermögen un Kombinatschonsgeschick de fehlen Rückwärtsbewegung vun den överragend Speelmaker Günter Netzer in dat Gladbacher Middelfeld utglieken un dordör de sien spelerische Kreativität eerst to de hööchste Entfalten kommen leet. So keem he denn ok in de A-Natschonalmannschap, wo he an' 23. November 1968 gegen Zypern sien Instand geev.

Erfolge in' VereenÄnnern

  • 1970, 1971, 1975, 1976, 1977: Düütsch Meester
  • 1973: DFB-Pokalsieger
  • 1975: UEFA-Cupsieger

Erfolge mit de NatschonalmannschapÄnnern

  • 1972: Europameester
  • 1974: Weltmeester
  • 1976: Viezeuropameester

LiteraturÄnnern

  • Lorenz Knieriem/Hardy Grüne: Spielerlexikon 1890-1963. Agon-Verlag, 2006, ISBN 3-89784-148-7.
  • Matthias Kropp: Deutschlands große Fußballmannschaften, Teil 5: Borussia Mönchengladbach. Agon-Verlag, 1994, ISBN 3-928562-39-8.
  • Heinrich Peuckmann: Mehr Helden aus dem Fußball-Westen. Aschendorff Verlag, Mönster 2003, Sieden 89-93, ISBN 3-402-05463-9.
  • Jürgen Bitter: Deutschlands Fußball-Nationalspieler. Das Lexikon. Sportverlag Berlin, 1997, ISBN 3-328-00749-0.
  • Raphael Keppel: Deutschlands Fußball-Länderspiele 1908–1989. Sport- und Spiel-Verlag Hitzel, Hürth, 1989, ISBN 3-9802172-4-8.

WeblenkenÄnnern

  Herbert Wimmer. Mehr Biller, Videos oder Audiodateien to’t Thema gifft dat bi Wikimedia Commons.