Hermann Meyn (Journalist)

Hermann Meyn (* 6. Oktober 1934 in Bremervöör) is Dozent för Journalistik an de Universität Hamborg. He weer Redaktör bi Der Spiegel, Senaatsspreker in Berlin un Vörsitter von’n Düütschen Journalisten-Verband.

Meyn is 1934 in Bremervöör boren. Na dat Abitur 1955 an dat Athenaeum Stood hett Meyn Politologie, Geschicht un Publizistik an de Fre’e Universität Berlin studeert. He hett en Volontariaat bi dat Stader Tageblatt maakt, weer Narichtenredaktör bi’n RIAS, Berlin-Korrespondent von’n Südwestfunk un polietschen Redaktör bi Der Spiegel. Von 1974 bet 1979 un von 1985 bet 1989 weer he Maat von’n Düütschen Pressraad. Von 1979 bet 1981 weer he Berliner Regerungsspreker un von 1989 bet 1998 Bundsvörsitter von’n Düütschen Journalisten-Verband (DJV). He hett tohoop mit Jan Tonnemacher dat publizistische Standardwark Massenmedien in Deutschland rutbrocht, dat 2012 in de veerte Oplaag rutkeem.

Warken

• Hermann Meyn, Jan Tonnemacher: Massenmedien in Deutschland. 4., völlig überarbeitete Neuauflage. UVK, Konstanz 2012, ISBN 978-3-86764-213-2 (Mit Zeittafel, Einführungsliteratur un Index)