Hillgriet Eilers
Hillgriet Eilers (* 7. März 1959 in Hint) is en düütsch Politikerin vun de FDP un siet 2013 Liddmaat vun den Landdag in Neddersassen.
Nah dat Abitur in Emden hett Eilers klassische un moderne Sinologie un Wertschapswetenschapen an de Universität Chöttingen un in Taipeh (Republiek China) studeert un mit en Magister Artium afslooten. An dat Goethe-Institut för Düütsch as Frömdspraak hett se sück wiederbillen laaten. Dornah hett se as Lehrkraft an Hoochschoolen un Instituten arbeit. Se hörrt dat Helene-Weber-Berufskolleg an; 2011 kreeg se den Helene-Weber-Pries.
2000 is Eilers in de FDP intreeden. Dor is se Vörsitterin vun den Kreisverband Emden as ok de Liberalen Frauen Niedersachsen, buterdem hörrt se den Landsvörstand vun de FDP an. 2001 truck se eerstmals in den Emder Stadtraat in, in de se stellvertreden Fraktschonsvörsitter is. 2013 wurr se in den Landdag wählt, in den se in' Momang en vun de Schriftführerinnen is.
Eilers is verheiraadt un Moder vun en Dochter.