Hilligensehl
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27374 | |
| Vörwahl: | 04262 | |
| Geograafsche Laag: | Koordinaten:52° 56′ N, 9° 34′ O52° 56′ N, 9° 34′ O | |
|
| ||
Hilligensehl (hoochdüütsch Hilligensehl) is en Oort in de Gemeen Visselhöövd in’n Landkreis Rodenborg, Neddersassen.
Geografie
ännernDe Oort liggt an’n Hilligensehler Graven, de so bi 1,5 Kilometer in’n Noordwesten in de Lehrde münnt. In’n Noordoosten liggt dat Naturschuulrebeed Oddinger Ossenmoor.
De Naveröörd sünd Visselhöövd un Kedenborg in’n Noorden, Oddingen in’n Noordoosten, Ohrsen un Jarl in’n Oosten, Cordingen un Beenfeld in’n Süüdoosten, Ebben in’n Süden, Stellich in’n Westen un Wehnsen, Fahlbeek un Griemen in’n Noordwesten.
Historie
ännernHilligensehl is keen olen Oort. De Oort is eerst 1934 grünnt worrn, nadem de Truppenövungsplatz Bargen anleggt worrn is. In Hilligensehl sünd denn 16 Siedlersteden anleggt worrn, de in’n Dörsnidd 20 Hektar Land harrn. De Siedlers kemen vör allen ut Bössel un Öberho. De Ansiedlers harrn ok noch 78 Morgen Holt as Gemeenbesitt kregen. De Oort Hilligensehl hett denn to de Gemeen Kedenborg mit tohöört.
De Oort is an’n 1. März 1974 bi de Gemeenreform in Neddersassen tohoop mit Kedenborg Deel von de Gemeen Visselhöövd worrn un is dorbi denn von’n Landkreis Fambossel na’n Landkreis Rodenborg wesselt.
Religion
ännernHilligensehl is evangeelsch-luthersch präägt un höört to dat Kaspel von de Johannis-Kark in Visselhöövd.
För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig.
Weertschop un Infrastruktur
ännernAs Füürwehr is de Freewillige Füürwehr in Kedenborg för Hilligensehl mit tostännig.
Verkehr
ännernDör Hilligensehl löppt de Landsstraat 161, de in’n Noorden na Visselhöövd an de Bundsstraat 404 ran geiht un in’n Süden na Wasra an de B 209 ran. De L 161 twüschen Kedenborg un Ebben hett 2013 för 965.000 Euro en Radweg kregen.[1]
De nächste Autobahn is de Autobahn 27. De Opfohrt Wasra-West liggt so ölven Kilometer in’n Süüdoosten von Hilligensehl.
De nächsten Bahnhööv sünd so bi fiev Kilometer wied weg in’n Noorden in Visselhöövd an de Amerikalien un teihn Kilometer in’n Süden in Wasra an de Heidbahn.
