Hinnerk de Gode

Hinnerk II., de Gode, (* 946; † 2. Oktober 1016) weer von 976 bet 1016 Graaf von Stood.

Hinnerk is 946 as Söhn von Hinnerk den Kahlen un siene Fro Judith (ut dat Geslecht von de Konradiners) boren. Nadem sien Vader 976 doodbleven is, is Hinnerk II. Graaf von Stood worrn.

De Graaf weer mit Mechthild verheiraadt, de ut Swaben stammen dee. De beiden hebbt een Söhn hatt, de Siegfried heten hett.

An’n 23. Juni 994 is Hinnerk mit siene Bröder Udo un Siegfried mit Scheep gegen de Wikingers uttagen, de dat Elv-Werser-Dreeeck angrepen hebbt (Wikinger-Angreep 994). Udo is doodbleven un Hinnerk un Siegfried sünd fungen worrn. Hinnerk is gegen en Löösgeld wedder freekamen. Hinnerk sien Söhn Siegfried is von de Wikingers verstümmelt worrn, nadem Hinnerk sien Broder Siegfried flücht is. He is an’n 26. Oktober 994 doodbleven.

Hinnerk II. hett dat Klooster Harsfeld stift.

Hinnerk is 1016 doodbleven un liggt in Harsfeld begraven. Na sien Dood is sien Broder Siegfried II. Graaf worrn.