Hinrich Borkenstein

Hinrich Borkenstein (* 21. Oktober 1705 in Hamborg; † 29. November 1777 ok dor) weer en Schriever.

Borkenstein is 1705 in Hamborg as sösst von ölven Kinner von Anna (borene von Rönne) un den Koopmann Julius Borkenstein boren un dee in Hamborg as Bookholler arbeiden. 1745 güng he as Geschäftsmann na Spanien un bleev dor bet 1764. 1766 is he königlich-däänsch Kommerzienraat worrn. Wahnt hett he tolest op’n Jungfernstieg.

Borkenstein hett 1741 dat plattdüütsche Theaterstück Der Bookesbeutel (de Bookbüdel) schreven, ene Satier, in de he de Hambörger Unoorden op de Schipp nimmt. Dat Stück is an’n 16. August 1741 in Hamborg dat eerste Maal opföhrt worrn.

Borkenstein hett an’n 16. Mai 1768 Susanna Brugier heiraadt. Se harrn dree Döchter un een Söhn: Susanna (* 1769), Dorothea Amalia (1770), Louise Catharina (1771 oder 1772) un Heinrich (1773). De Familie harr en Stadthuus an’n Jungfernstieg un en Sommerhaus in Ottensen.

Weblenken

• Der Bookesbeutel op Zeno.org (hoochdüütsche Utgaav)