Histoorsche Bucht

Histoorsche Bucht (engelsch historic bay) is in dat Völkerrecht en Utdruck för sone Buchten, de vun de Breed vun’n Togang her egentlich internatschonal Water wesen müssen, aver al jümmer kumplett to dat Hoheitswater vun een Staat tohöört. Bispelen sünd de Delaware-Bucht, de Hudson-Bucht oder dat Witte Meer. De Begreep Histoorsche Bucht is in dat Seerechtsövereenkamen Artikel 10 VI fastleggt.

Dat gifft en Reeg Buchten, bi de een (oder mehr as een) Staat den Status beansprucht, dat aver von annere Staten afstreden warrt: ünner annern de Münn von’n Río de la Plata (Argentinien un Uruguay), Anxious Bay, Encounter Bay, Lacepede Bay un Rivoli Bay (Australien); Golf von Thailand (Kambodscha); Hudson Bay (Kanada); Palk Bay un Golf von Manaar (Indien un Sri Lanka), Golf von Tarant (Italien), Golf von Sirte (Libyen), Golf von Panama (Panama), Peter-de-Grote-Bucht (Russland) un Golf von Tonkin un Golf von Thailand (Vietnam).