Home Office

Home Office (vörmols ok Home Department) is de Naam or dat brittsche Binnenministerium. Dat is tostännig for all Angelegenheiten vun de Binnere Sekerheit, den Stried gegen Verbreken, Drogenhannel un Terrorismus un for Datenschutz. Ok Grenzschutz un dat Afwehren vun Illegale Migratschoon höört to siene Upgaven. Binnenministersche (Home Secretary) is in'n Momang Amber Rudd. Se hett ehren Posten an'n 13. Juli 2016 antreden, nadem Vorwesersche Theresa May to'e ne'e Premierministersche benömmt wurrn weer.

Lunar House in Croydon, Seet vun de Grenzschutzbehörde vun dat Home Office

Geschichte

An'n 17. März 1782 hefft de beiden brittschen Ministerien, de dat geven hett, nee Naams kregen. Dat bitherige „Süüdliche Departement“ (tostännig for England sien Süden, Ierland un for dat Utkamen mit de nich-protestantschen Staten vun Europa) hett den ne'en Naam Home Office kregen. Dat „Nöördliche Departement“ (tostännig for England sien Norden, for Schottland un for dat Utkamen mit de protestantschen Staten in Europa) is vun düssen Dag af an Foreign Office nömmt wurrn. Dormols sünd ok all binnere Angelegenheiten an dat Home Office gahn, un all Angelegenheiten, de mit'n Utland to doon harrn, an dat Foreign Office. All brittsche Ministerien, de later inricht' wurrn sünd, sünd tostanne kamen dör Utlagern vun Tostännigkeiten ut dat Home Office.

Weblenk

• Website des Home Office