Hubertus Bengsch

Hubertus Bengsch (* 10. Juli 1952 in Berlin) is en düütschen Schauspeler un Synchroonsnacker.

Werdegang

Hubertus Bengsch absolveer sien Abitur in Berlin an’t Jesuiten-Gymnasium Canisius-Kolleg un studeer dornah ok in Berlin an de Max-Reinhardt-School för Schauspeel. Sien nächst Statschonen weern Hannober, Baukem, Berlin un Soltborg wo he Theater speelt hett, aber ok in tallriek Feernsehproduktschonen hett he mitspeelt.

Bengsch, de en Unkelsegger to de Kardinal Alfred Bengsch is, harr sien Dörbröök 1981 in Wolfgang Petersens Film Das Boot. In disse Film speel he den eersten 1. Wachoffizier. Later henn harr he ok en fasten Rull in de Feernsehreeg Der Landarzt.

Midden van de1980er Johren wurr Hubertus Bengsch ok to en fraagt Synchroonsnacker. De markant Stimme wurr to dat Markenteken vun de düütsche Synchroonfaten vun de Feernsehreeg „Midnight Caller“ (dt.: Der Nachtfalke), in de Bengsch de Hööftfigur, den Radiomoderator Jack Kilian (speelt vun Gary Cole) sien Stimm lehnt het Siet de Film Pretty Woman ut dat Johr 1990 is he ok de Standardstimm vun Richard Gere. Ok Harold Ramis (Ghost Busters) hett he all faken sien Stimm lehnt. Aktuell snackt he Gil Grissom (speelt vun William L. Petersen) in de Feernsehreeg CSI: Crime Scene Investigation.

Bengsch sett sien Stimmtalent ok faken för Wohltätigkeitsveranstaltungen togunsten vun bedürftig Kinner in, indem he de Kinner wat vörleest. He hett sien Stimm aber ok all för Telefondeenste utlehnt un ut verscheden Warffilmen kennt man sien Stimm ok.

Filmografie

Johr	Titel
1977	Die Ratten, Feernsehn
1981	Das Boot
1989-92	Der Landarzt, Feernsehreeg

Weblenken

• Hubertus Bengsch in de Internet Movie Database (engelsch)
• Hubertus Bengsch in de Düütschen Synchroonkartei