Husain I. ibn Ali

Husain I. ibn Ali (araabsch: حسين بن علي‎; † 1735) weer von 1705 bet 1735 Bey von Tunis un Begrünner von de Dynastie von de Husainiden, de in Tunesien (mit Pausen) bet 1957 an de Macht bleven is.

Nadem 1705 de Muradiden-Beys dör en Militäropstand stört worrn sünd, sünd in Tunis swore Machtkämpf twüschen Korsaren un de osmaanschen Janitscharen utbraken. In düssen Stried hett Husain I. ibn Ali, en osmaanschen Kavalleriekummandör ut Anatolien dat henkregen, de Macht an sik to nehmen un hett de Dynastie von de Husainiden begrünnt. Dorbi is he ut Algerien ünnerstütt worrn. In de Johren, de denn kemen, kunn he Freden in dat Land bringen un hett de Verwaltung mit Hülp von Törken ut de osmaansche Riekshööftstadt Istanbul utboot. So hett sik en ne’e Oberschicht billt, op de sik de Husainiden stütten kunnen.

As siene Macht sekert weer, hett Husain I. ibn Ali dörsett, dat de Herrschop verarvt warrt. Dorbi hett dat Seniorat gullen, na dat toeerst de Bröder von’n Herrscher den Throon övernehmt, bevör de Söhns dat Regeer övernehmen köönt. Düsse Regel hett later jümmer wedder to Machtkämpf twüschen de Husainiden föhrt.

Literatur

• Stephan und Nandy Ronart: Lexikon der Arabischen Welt. Artemis Verlag, Zürich und München 1972, ISBN 3-7608-0138-2