Hyperkorrektur

Hyperkorrektur is en Utdruck ut de Spraakwetenschop, de beschrifft, dat en Minsch de Regeln mit de sik een Spraak in ene annere översetten lett, to dull un verkehrt anwennt.

To’n Bispeel gifft dat den Luudwannel p→pf twischen dat Plattdüütsche un dat Hoochdüütsche. De Appel heet op Hoochdüütsch Apfel. Hyperkorrektur is nu, wenn een ut plattdüütsch Aprikoos hoochdüütsch ene Apfrikose maakt (de richtige Utdruck is ok hoochdüütsch Aprikose).

Weblenken

• Vertellen vun Clara Kramer-Freindohl över Hyperkorrekturn (plattdüütsch) (Memento von’n 4. November 2005 in dat Internet Archive)