Iñigo Landaluze

Iñigo Landaluze Intxaurraga (* 9. Mai 1977 in Getxo) is en ehmalger baskschen Radrennfohrer ut Spanien.

Iñigo Landaluze (2007)

Karriere

Landaluze is siet 2001 Profisportler un steiht siet disse Tiet ünner Verdrag in de baskisch Radsportmannschap Euskaltel-Euskadi. 2005 hett he wat unverwacht dat Radrennen Critérium du Dauphiné Libéré wunnen, dat to de UCI Pro Tour tellt. En Dopingkontroll bi dit Rennen wurr bi hüm en höhger Testosteronwert faststellt. Landaluze wurr aber vun de spaanschen Radsportverband freespraken un ok dat Verfohren för den internatschonalen Sportgerichtshoff hett he överstahn. Siet dem kunn he aber ok kien nennenswert Erfolge mehr vörwiesen.

Nahdem man hüm weer positiv up dat Erythropoetin-Analogon CERA bi de Dauphiné Libéré 2009 un en beten later bi en Training prüüft harr, wurr he weer vun den internatschonalen Radsportverband sparrt. Landaluze hett dat togeven un de vull Verantwortung övernommen un hett seggt, dat anner Fohrers oder dat Team dor nix mit to doon harrn. Nah sien Sparr hett he kien wiedere Profirennen mehr bestreeden.

Palmarès

• Gesamtsieg Critérium du Dauphiné Libéré 2005
• 3. Platz up de 10. Deelstreck vun de Tour de France 2006
• 2. Platz up de 11. Deelstreck vun de Vuelta a España 2006
• 2. Platz up de 7. Deelstreck vun de Tour de France 2007
• 2. Platz Gesamtwertung Burgos-Rundfohrt 2008

Weblenken

• Landaluze in de Datenbank vun Radsportseiten.net