Idared
Idared is en Soort vun’n Huusappel (Malus domestica).
De Appel Idared is 1935 vun de Idaho Agricultural Experiment Station (IAES) tücht worrn, de to’n Campus vun de University of Idaho in Moscow (Idaho), USA, höört. Dorbi hannelt sik dat üm en Krüzen ut de Soort Jonathan un den Wagenerappel. Siet 1942 is de Idared in’n Hannel to köpen.
Idared hett en fast, knackig un saftig Fruchtfleesch vun meist witte Klöör. Sien Smack is fiensüerlich. De Grundklöör vun Appel is geelgröön, de Deckklöör geiht in’t Düster- bit Purpurroot över. De Schaal wiest tomeist Punkten op.
De Appel is goot egent för Soßen un to’n Kokenbacken. Vun wegen dat he blots wenig Zucker bargt, is de Soort ok för Diabetikers egent.
De Idared bleiht vun de tweeten Aprilhälft bit Anfang Mai. De Oorn fangt Mitt vun’n Oktober an un tütt sik bit Anfang November. De Appel hollt sik bit Enn vun’n Januar, in’t CA-Lager ok bit Juni. De Soort egent sik för’n Anbo in warmere Lagen un kann an schuulte, sünnige Steden ok noch höger as 500 m över’n Seespegel anboot warrn. Normalerwies warrt de Idared op en frostharden Stammbillner vereddelt. To beobachten is ’n lichte Anfalligkeit för Mehldau un ’n lütten Ümfang ok för Schorf.
Kiek ok ännern
Weblenken ännern
- Aaftsorten vun Düütschland antiquarisch Fackbook över mehr as 300 Aaftsorten