Iestappen

(wiederwiest vun Iesjökel)

En Iestappen oder ok Iesjökel billt sik, wenn temlich koolt Water (to’n Bispeel Smöltwater vun Ies oder Snee) jümmer an desülve Steed daldruppt un dorbi wedder afköhlt, dat dat wedder früst. Besünners an de Spitz aver ok de Sieden vun’n Tappen lagert sik so Ies an un de Tappen warrt jümmer länger.

Iestappens an en Dack

Besünners an de Ränner vun Däcker billt sik faken Iesjökels. De Sünn, de op dat Dack schient un de Warms vun binnen dat Huus, doot Snee, de sik op dat Dack sammelt hett, smölten un Water löppt dat Dack dal. An de Kant billt sik denn gau grote Iestappens. Wenn dat later wedder warmer warrt un de Iestappens smölt, denn köönt se licht afbreken un bedüüdt en groot Gefohr, wenn grote Iestappens dalstörten doot.

Kiek ok bi ännern

Weblenken ännern

  Iestappens. Mehr Biller, Videos oder Audiodateien to’t Thema gifft dat bi Wikimedia Commons.