Ihar Schaljasouski

Ihar Schaljasouski (wittrussisch: Ігар Жалязоўскі; russisch: Игорь Николаевич Железовский, Igor Nikolajewitsch Schelesowski; * 1. Juli 1963 in Orscha, Wittrussland; † 12. Juni 2021) weer en Iesflinklöper, de bi internatschonalen Wettbewarfen bit 1991 för de Sowjetunion, 1992 för deren Nahfolgeorganisatschoon Gemeenschap vun unafhängig Staaten un dornah för Wittrussland antreeden is.

Ihar Schaljasouski

He weer en vun de spoodriekst Sprinter in’n Iesflinkloop överhoopt un droog wegen sien Erfolge den Ökelnaam "Igor der Schreckliche". He wurr söss Mal Sprintweltmeester, wat bit vanddag noch nich överdrapen wurrn is.

Bi Olympisch Spelen kunn he blots bi de Winterspelen 1988 in Calgary Bronze (achter Nikolai Alexejewitsch Guljajew un Uwe-Jens Mey) un 1994 in Lillehammer Sülver över 1000 Meter (achter Dan Jansen, aber vör Sergey Konstantinowitsch Klevchenya) winnen.

Nah de Winterspelen in Lillehammer hett he sien aktov Loopbahn afslooten un wurr later Präsident vun den wittrussischen Iesflinkloopverband. He is an de Folgen vun en COVID-19-Infektschoon storven.

Weblinks

Ihar Schaljasouski. Mehr Biller, Videos oder Audiodateien to’t Thema gifft dat bi Wikimedia Commons.

• Statistiken bi Speedskatingnews
• Bio bi Olympedia (engelsch)