Ilse-Marie Voges (* 1943 in Rist) is en Journalistin un Schrieverin op Hooch- un Plattdüütsch.

Voges is 1943 in Rist boren. Se is verheiraadt mit’n Journalist un Redaktör Detlef Voges. Se hebbt fief Kinner.

Voges arbeidt as fre’e Journalistin för de Kreiszeitung Syke un maakt dor Berichten ut de Region, Theaterkritik, Reisberichten un Reportaschen för dat Magazin zum Sonntag. Vun 1980 af an hett se Sünnavends de plattdüütsche Gloss Us Ilse in de Kreiszeitung maakt un bet hüüt över 1.350 Bidrääg in disse Gloss hatt.

In de Tiet vun März 1997 bet Oktober 1999 hett se bi 50 Bidrääg för de Reeg Hör mal’n beten to bi NDR 1 opnahmen. Un vun 1989 bet 2002 hett se elk Johr in’n Dezember Moderator bi’n Plattdüütschen Talk in’n Roothuus vun de Stadt Syke maakt.

För ehren Insatz för dat Projekt „Brücke der Hoffnung“ in de Bosnien-Help un för ehren langen Insatz för de plattdüütsche Spraak hett Voges 2007 dat Verdeenstkrüüz vun’n Neddersassischen Verdeenstorden kregen.

Warken ännern

  • Syker Sprüche-Kabinett aus Rat, Verwaltung, Ausschüssen und Ortsräten. Syke 1985
  • Provinz-Eintopf. Sprüche und Geschichten aus Rat und Verwaltung. Syke 1988
  • De lüttje Wintermuus un annere Vertellers. Syke 1995
  • Tango mit Fritz. Vertellers - mitten ut’n Leeven. Syke 1998