Implantcast
De implantcast GmbH is en Ünnernehmen för medizinische Implantaattechnik ut Buxthu. Geschäftsföhrer is siet 1. Januar 1996 Jens Saß. Dat Ünnernehmen maakt en Ümsatz von 68 Milljonen Euro (Stand 2015).[1]
implantcast stellt Endoprothesen her, dat heet Prothesen, de in’n Körper blievt. To’n Bispeel künstliche Hüft-, Knee- un Sprunggelenken. Tosätzlich gifft dat de MUTARS-Implantaten, Dat MUTARS-Systeem, dat tohoop mit Winfried Winkelmann un Georg Gosheger von dat Universitätsklinikum Mönster utwickelt worrn is un 1992 op’n Markt keem, is en Implantaat, dat Knaken ersetzt, de dör Tumoren schädigt sünd.[1]
Historie ännern
Dat Ünnernehmen is an’n 1. Oktober 1988 as implantcast Feinguss GmbH von Wolfgang Petroll grünnt worrn un hett toeerst mit teihn Mitarbeiders in dat Technologiezentrum in Buxthu seten.[2][1] Al 1990 hett Petroll dat Leid an Wilfried Mohr afgeven.[3] 2001 hett dat Ünnernehmen dat Woord Feinguss ut’n Naam streken un heet sietdem implantcast GmbH.[3] 1999 is dat Ünnernehmen an sien hüdigen Standoort an de Straat Lümbörger Schanz ümtagen un hett siene Flächen von 400 m² op 1200 m² vergröttert.[2][4] 2008 is de Fläch denn op 4000 m² utboot worrn un 2012 dör ne’e CNC-Anlagen noch maal op 8000 m².[4] 2016 hett dat Ünnernehmen en ne’e 4000 m² grote Hall an’n Olen Postweg boot.[5]
In dat sülve Johr hett Implantcast ok den Neddersassischen Butenweertschopspries wunnen, de von dat Neddersassische Weertschopsministerium utgeven warrt.[2]
Stand 2016 doot 487 Lüüd bi implantcast arbeiden.[3] Dat Ünnernehmen hett Stand 2017 Afleggers för’n Verdriev in 70 Länner.[3] 75 % von’n Ümsatz warrt in dat Butenland maakt.[4]
De GmbH höört to 35 % Jens Saß un to 65 % Nicolas Mohr.[4]
Footnoten ännern
- ↑ a b c Porträt bi dat Wirtschaftsforum
- ↑ a b c Tom Kreib: Implantcast aus Buxtehude bekommt Niedersächsischen Außenwirtschaftspreis, Wochenblatt an’n 29. April 2016
- ↑ a b c d Ünnernehmensgeschicht op implantcast.de
- ↑ a b c d Business & People, Bilaag to dat Stader Tageblatt, Dezember 2013
- ↑ Tom Kreib: Buxtehude: Implantcast baut neue Halle, Wochenblatt an’n 23. August 2016
Weblenken ännern
- Websteed von Implantcast (hoochdüütsch)
Koordinaten:53° 28′ N, 9° 42′ O