Inishmaan

Inishmaan (op irisch: Inis Meáin, öllere Schrievwies: Inis Meadhóin) is en lütt Eiland vun de Republiek Irland. Se höört to de Aran-Eilannen, de in de Galway Bay leegt un to’n County Galway tellt.

Geografie ännern

Synge’s Cottage: Dat Huus, woneem de Schriever Synge wahnt hett

Mit 912 ha is dat dat tweetgröttste bewahnte Eiland vun de Inselgrupp. Op Inishmaan leevt 157 Minschen mit fasten Wahnsitt (Stand 2011)^[1], se is en wichtig Rebeet vun de traditschonellen irischen Kultur. As Gaeltacht-Rebeet snackt de Lüüd op Inishmaan vör allen Irisch. Vun den Tourismus is hier weniger to marken as op de Navereilannen.

Dat Eiland is vun’t Hööfteiland Inishmore dör den Gregory’s Sound scheedt. Vun dor ut gifft dat Verbinnen na’t irische Fastland. Na Inishmaan sülvst kummt een blots mit Bööd vun de Navereilannen. De Hööftoort vun’t Eiland heet An Córa. Dor liggt ok de Haven vun Inishmaan. Allgemeen gellt Inishmaan as de sinnigste vun de Aran-Eilannen. Dat Wüss ok al de Schriever John Millington Synge, de hier en poor Sommer verbröcht hett.

Kultur un Bowarken ännern

Dat Steenfort Dún Conchuir op Inishmaan

Op Inishmaan gifft dat de Resten vun dree Wedge tombs (so veel as Kielgräver). Twee dorvun leegt in de Feldmark vun Carrownlisheen, dorünner ok dat as Leaba Dhiarmada is Ghrainne bekannte Natschonalmonument. Dat annere liggt in Carrowntemple op de Westsiet vun’t Eiland.

Bekanntere Bowarken op Inishmaan sünd:

Dún Conchuir (oder Dún Conor), en vörhistoorsch, oval Dun (Steenfort).
Dún Fearbhaí, en Steenfort ut dat 4. Johrhunnert. Sien D-förmige Bowies ünnerscheedt sik dör sien D-förmige Bowies vun de annern runnen oder halfrunnen Duns op dat irische Hööfteiland.
Teach Synge (Synge’s Cottage) is dat Huus, woneem John Millington Synge de Sommermaanden vun 1998 bit 1902 tobröcht hett. Dat Huus is in sien Originaltostand versett worrn un kann siet 1999 ok besöcht warrn.
Cathaoir Synge (Synge’s Chair) is de Oort Autors, den Synge op Inishmaan an’n leefsten harr.

Borns ännern

↑ Table No. 11 Population of inhabited Islands off the coast, 2006 and 2011. In: Central Statistics Office (Hrsg.): Population Classified by area. Dublin 2012, S. 132-133 (PDF-Datei; 3,64 MB)

Weblenken ännern

Inishmaan. Mehr Biller, Videos oder Audiodateien to’t Thema gifft dat bi Wikimedia Commons.

[1] Table No. 11 Population of inhabited Islands off the coast, 2006 and 2011. In: Central Statistics Office (Hrsg.): Population Classified by area. Dublin 2012, S. 132-133 (PDF-Datei; 3,64 MB)

[1]