Hauptmenü öffnen

Irving John „Jack“ Good (* 9. Dezember 1916 in London; † 5. April 2009 in Radford, Virginia, USA) weer en britsch Mathematiker un Kryptoloog, de in de Tweete Weltkriek matgeblich an de Codeknacken vun de Slötel-Maschien ENIGMA bedeeeligt weer.

Inholtsverteken

LevenÄnnern

IJ. Good wurr as Söhn vun en jöödschen Familie in London as Isidore Jacob Gudak boren und gell all in’t School as mathematisch talenteert. Af 1935 hett he denn ok Mathematik studeert und at Studium 1938 afslooten. 1941 wessel he to de so nömmt Government Code and Cypher School (GC&CS) (plattdüütsch etwa: „Regierungs-Code- un Slöötelschool“), wo he sien Dokterarbeit afsluuten kunn. Bi GC&CS hannel sück dat um en Tarnbeteknung för de damals streng geheim militärsich Dienststäh, de sück in de Tweete Weltkrieg mit Spood an de Entzifferung vun de Nahrichtenverkehr bafaten de, de de Düütschen mit de Chiffriermaschien ENIGMA verslöötelt harr. De Seet vun de Stäh weer ruch weg 70 km noordwestlich vun London in Bletchley Park.

In Bletchley Park arbeidt Good anfangs in Hut Eight („Barack 8“) ünner de Baas Alan Turing an de Entziffern vun Funkspröök, de vun de düütsch Kriegsmarine mit de Enigma-M4 in’ Nahrichtenverkehr verslöötelt wurr. Nahderhenn hett he ok Feernschrieververbindungen kryptanalytisch angreepen. Dat föhr letztlich to den Entwicklung vun den eersten Computer up de Welt, de so nömmt Colossus.

Nah de Krieg arbeidt Good eerst an de Universität Manchester, un denn bit to dat Johr 1959 wedder in Gemeimdienst bi GC&CS. In disse Tiet kreeg he ok sien Doktertitel ut Cambridge, as ok ut Oxford.

1967 is he in de USA utwannert un weer bit 1994 Perfesser an de Technischen Universität von Virginia (beter bekannt as: Virginia Tech). He weer bekannt för sein Arbeiten över Statistik, weer en gooden Schachspeler un Go-Speler.

Warken (Utzug)Ännern

  • I. J. Good: Probability and the Weighing of Evidence. Charles Griffin, London, 1950.
  • I. J. Good (Hrsg.): The Scientist Speculates. Heinemann & Basic Books, New York, 1962.
  • I. J. Good: The Estimation of Probabilities. MIT Press, Cambridge, MA, 1965.
  • D. B. Osteyee und I. J. Good. Weight of Evidence, the Singularity between Probability Measures and Signal Detection. In Lecture Notes in Mathematics, Springer-Verlag, New York, 1974.
  • I. J. Good: Good Thinking: The Foundations of Probability and Its Applications. Univ. of Minn. Press, Minneapolis, 1983.
  • Jack Good: Enigma and Fish. In Francis Harry Hinsley und Alan Stripp: Codebreakers – The inside story of Bletchley Park. Oxford University Press, Reading, Berkshire 1993, ISBN 0-19-280132-5.
  • I. J. Good: Early work on computers at Bletchley, Cryptologia April 1979
  • I. J. Good: Turing’s statistical work in World War II., Biometrika Bd. 66, 1979, S. 393 und in Turing Collected Works 1992


WeblenkenÄnnern

QuellenÄnnern