Islaamsche Universität in Uganda
| Islaamsche Universität in Uganda (Islamic University in Uganda) | |
| in: | Mbale |
| Typ: | Islaamsche Universität |
| Grünnt: | Februar 1988 |
| Studenten: | 2682 |
| Perfessers: | 49 |
| Direkter: | Ahmed Kaweesa Ssengendo |
| Websteed: | www.iuiu.ac.ug |
De Islaamsche Universität in Uganda is ene ugandsche Universität mit Seet in Mbale. Se schall de Mööglichkeit för islaamsche un annere Studien in Zentral- un Oostafrika anbeden. Enen tweten Kampus hett de Universität in Kampala. Alltohoop hett se 2682 Studenten, dorvun 890 Froonslüüd.
Op dat twete Drepen vun de Islaamsche Konferenz 1974 in Lahore hebbt se beslaten, ene islaamsche Universität in Uganda intorichten. Dat duur aver noch bet Februar 1988, dat de Universität de Arbeit opnahmen hett. 1990 hett Uganda se dör Gesett as vulle Universität gellen laten. De Rektor un Viezkanzler is Ahmed Kaweesa Ssengendo, Kanzler is Scheich Yusuf Jassim Al-Hijji.
Se hett Fakultäten för Juristeree, Naturwetenschop, Utbildungswesen, Kunst- un Sozialwetenschop, Weertschop un för Islamstudien un Araabsch. Ene Fakultät för Bueree un Veehdokteree is plaant.