Ismael Tressmann (* 1961) is en portugeeschen Spraakwetenschopper, de sik ünner annern mit de pommersche Spraak in Brasilien utenannersett hett.

Tressmann weer toeerst evangeelsch-lutherschen Pastoor in de Gemeen Espigão do Oeste. Dor hett he sik mit de Spraken von de Indios utenannersett, to’n Bispeel 1991 bet 1994 mit dat Zoró. He hett dorbi markt, dat ok de Spraak von de Pommern, de in de Gemeen en grote Grupp billt hebbt, sowat as en bedrohte Spraak is.

Tressmann hett en Schriftform för dat Pommersche utklookt, de von em bruukt warrt, üm Schoolmeesters uttobillen, de dat Pommersche in dat PROEPO-Projekt in’n Schoolünnerricht bruken doot. Disse Schriftform hett he ok för sien Pommersch-Portugeesch Wöörbook bruukt, dat 2006 rutkamen is un üm un bi 15.000 Indrääg hett.

He is nu Perfesser an de Faculdade da Região Serrana in Santa Maria de Jetibá.

Warken ännern

  • Upm Land up pomerisch sprak - Na Roça em Língua Pomerana.
  • Pomerisch-Portuguisisch Wöirbauck - Dicionário Enciclopédico Pomerano-Português. Secretaria de Educação, Santa Maria de Jetibá 2006