Ivar Henning Mankell
Ivar Henning Mankell (* 3. Juni 1868 in Härnösand, Noordsweden; † 8. Mai 1930 in Stockholm) weer en Komponist ut Sweden.
Mankell hett vun 1887 bit 1891 an de Königliche Musikhoochscholen Stockholm studeert un weer dor Klaveerschöler vun Lennart Arvid Lundberg un Hilda Thegerström bi. Vun 1899 af an is he dor sülms as Lehrer for Klaveer un Harmonie togange ween. Bito hett he Musikkritiken schreven for dat Svenska Morgonbladet un de Stockholms-Tidningen. 1917 is he upnahmen wurrn in de Königlich Sweedsche Musikakademie. He hett en Klaveerkunzert for Bariton un Orchester komponeert, dorto Sonaten, Fantasien un Balladen for Klaveer, dree Striekquartette, een Klaveerquintett un een Klaveertrio, dorto noch en Reeg vun Leeder.
Henning Mankell (de Tonaam warrt betoont up de eerste Sülve) is de Grootvadder vun den Schriever Henning Mankell un de Grootsöhn vun den Kapellmeester un Orgelspeler Johan Herman Mankell ut Niederasphe bi Münchhausen in den Landkreis Marburg-Biedenkopf in Hessen. Dat schall hüdoigendags noch Verwandte mit den Naam Mankel in Münchhausen geven.
Literatur
ännern- I Henning Mankell. In: Svenskt biografiskt lexikon. Band 25. 1985–1987, S. 69 (online).
Weblenken
ännern- Henning Mankell. Swedish Music Information Centre