Jürgen Thormann
Jürgen Thormann (* 12. Februar 1928 in Rostock; † 22. November 2024) weer en düütschen Schauspeler, Speelbaas un Synchroonsnacker.
He hörrt siet 1962 to dat Ensemble vun dat Schillertheater in Berlin.
Neven Theater- un Fernsehproduktschonen arbeit he as Synchronspreker u. a. vun Peter Wyngarde, Peter O’Toole, Ian McKellen, Ed Bishop, Edward Herrmann un Max von Sydow. Siet Johren is he de fast Stimm vun Michael Caine. Dorneven is he Spreker bi de WDR 5-Kinnersennen Ohrenbär un för tallrieke Höörböker. Sien Stimm is bannig präsent un wirkt immer so ’n beten adlig.
Aver ok as Schauspeler is he faken in’t Feernsehn wesen, so as bi de Serien Jakob und Adele oder as Polizeipräsident Siedhoff in de RTL-Reeg SK Babies (van 1996 bit 1999).
As Speelbaas hett he bispeelswies 1991 an de Berliner Tribüne Brechts Kleinbürgerhochzeit und Tennessee Williams The Glass Menagerie (dt.: Die Glasmenagerie) inszineert. Ok bi Die Hose vun Carl Sternheim föhr he Regie. In Stuttgart föhr he dat Ensemble in dat Stück Ein besserer Herr vun Walter Hasenclever.
In de Filmen över um de Psychiater un Serienmörder Dr. Hannibal Lecter synchroniseer he den Baas vun de Gefängnispsychiatrie, Dr. Frederick Chilton. He weer aver ok to höörn in de Höörspelen vun de Drei Fragezeichen (ü.a. in: Der Zauberspiegel, Der Super-Wal, Rufmord).
Filmrullen (Utwahl)
ännern| Johr | Titel |
|---|---|
| 1968 | Hinter den Wänden, Feernsehn |
| 1981 | Die zweite Haut, Feernsehn |
| 1985 | Das Mädchen und die Tauben, Feernsehn |
| 1989 | Jede Menge Schmidt, Feernsehn |
| 1995-96 | Praxis Bülowbogen, Feernsehreeg |
| 1996 | SK Babies, Feernsehepisoden |
| 1997 | Rosenkavalier |
| 2006 | Kunstfehler, Feernsehn |
Weblenken
ännern- Jürgen Thormann in de Internet Movie Database (engelsch)
- Jürgen Thormann in de Düütschen Synchroonkartei