Jacques-Laurent Agasse
Jacques-Laurent Agasse (* 24. April 1767 in Genf; † 27. Dezember 1849 in London) weer en Swiezer Deertenmaler un Landschapsmaler.
_-_Jacques_Laurent_Agasse_(Kunstmuseum_Winterthur).jpg)
Biografie
ännernJacques-Laurent Agasse wurr as Söhn vun den Koopmann Philippe Agasse (1739–1827) un de Catherine Audéoud (1737–1818) in Genf boren. De Öllern weern Hugenotten, deren Vörfohren sück in Aberdeen un tovör af dat fröh 17. Johrhunnert in Genf daallaaten harr. 1742 harr de Grotvader vun Vaders Siet dat Börgerrecht vun de Stadt Genf kreegen. Agasse is privilegeert in‘n Stadtdeel Les Philosophes un up dat Landgoot Crevin an‘n Foot vun den Salève upwussen. He kreeg sien eerst Kunstutbillen an de Genfer Teekenschool (École de dessin d’après nature), wo he af 1782 den Ünnerricht vun Jacques Cassin un Georges Vaniére besöcht hett. De School in dat Huus Calabri weer kien eegentliche Kunstakademie, völmehr hett sück hör Angebot an de Handwarker vun de Klockindustrie richt. To sien eerst Warken tellen Scherensnitt-Silhouetten in‘‘n Stil vun Jean-Daniel Huber. 1786 gung he mit 19 Johren nah Paris, um sück in dat Atelier vun Jacques-Louis David wiedertobillen. Vun de Historienmaleree vun sien Lehrer kunn he, trotz eenig sückse Warken (hüüd meest nich mehr uptofinnen), nix afwinnen. He hett dorum Deertenanatomie un Sezeeren an de Deertendokter un an dat Naturhistorisch Museum studeert. Wegen de Franzöösch Revolutschoon kehr he nah Genf torüch.
Agasse Hett den rieken Adligen George Pitt, tokünftig Lord Rivers, kennen lehrt, mit de he nah Grootbritannien reis un de Engelsch Maleree opdeckt hett. Pitt harr tallriek Peer un Windhunnen, de Agasse up de sien Landgöder Stratfield Saye (Hampshire) un Hare Park (Newmarket) goot un lang studeeren kunn. In de Folg vun de Franzöösch Revolutschoon harr Agasse sien Vermögen verloren un weer up Inkommen vun eegen Arbeit anwiest. Torüch in Genf, hett he mit sien Früenden ut de Jöögd Firmin Massot un Wolfgang-Adam Töpffer arbeit. Se hemm gemeensam riek beleevt Landschapen in Plein air malt, wobi jeder den Deel bidragen dee, den he an’n Besten beherrschen dee; Deerten, Minschen, Landschapen (to’n Bispeel De Peermarkt in Gaillard, um 1799). Tosommen mit Firmin Massot un Wolfgang-Adam Töpffer hörrt Jacques-Laurent Agasse to de wichtigst Vertreeder vun de Genfer School vun’n Enn‘ vun dat 18. un Anfang vun dat 19. Johrhunnert.
Regen Enn‘ vun dat Johr 1800 hett sück Agasse mit de Ünnerstütten vun Lord Rivers as Deertenmaler in London etableert. He wurr bald berühmt för sien Peer- un Hunnen-Dorstellungen, hett aber ok wild un exotische Deerten malt, de he in de Londoner Menagerien beobachten dee. Vun 1801 bit 1845 hett he regelmatig in de Royal Academy utstellt. En vun sien hervörragendst Warken is Dat Gestüt vun Lord Rivers in Stratfield Saye (um 1806). Dit Gemälde entstahn up de beid baben nömmt Landsitten, as ok up Richmore Lodge (Shaftesbury) un Sudeley Castle (Gloucestershire); all in’n Besitt vun Lord Rivers. Af 1810 hett he bi George Booth wahnt, de sien Kinner hüm as Modell för Genrebiller deenen deen. Agasse hett ok de Themse malt, wark as wetenschaplich Illustrater un hett sück tüschen 1820 un 1830 mit de Porträtmaleree befaat. Dormit hett he sien Levensünnerhollen verdeent, wurr aber nich riek dordör un bleev tietlevens Junggeselle. Wat he nah sien Dood an Geld achterlaaten harr, weer so minn, dat de Kösten för sien Begrävniss dör dat Verstiegern vun de bi hüm verbleeven Gemälde afdeckt wurrn mussen.[1]
Weblinks
ännern
Jacques-Laurent Agasse. Mehr Biller, Videos oder Audiodateien to’t Thema gifft dat bi Wikimedia Commons.
Enkeld Nahwiesen
ännern- ↑ Renée Loche: Im Licht der Romandie – Oskar Reinhart als Sammler von Westschweizer Kunst; Herutgever: Lukas Gloor, Peter Wegmann, Hatje Cantz Verlag, Ostfildern-Ruit, 2001, Sieden 128–143